Napalgang patay ang usa ka Traysikol Driver likod sa may bakanteng lote sa grahian sa Bus pasado alas 7 sa buntag sa CL Ledesma Ave. Brgy. Palampas San Carlos City Negros Occidental.
Naila sa kapolisan ang namatay nga si Jolito Seroy, 49 anyos, menyo ug residente sa Fatima Village Brgy. Rizal dakbayan San Carlos.
Sa imbestigasyon sa kapolisan adunay concern citizen nga mipahibalo kanila nga aduna siyay nakita nga usa ka tawo nga nagbuy-od sa yuta nga wala nay panimuot.
Sa pakighinabi sa Brigada News Team sa anak sa namatay nga si Ritchie Seroy ,20 anyos matud pa niya nga walay bisyo ug walay gikalalis iyang amahan.
Gidala sa usa ka punerarya ang lawas ni Jolito apan gideklarang patay sa attending physician ug ataki sa kasing-kasing ang hinungdan sa kamatayon niini.
