Naharang sa mga sakop sa Bunawan Police Station ug Task Force Davao ang usa ka lalaki nga misulay og palusot sa iligal nga droga sakay sa iyang motorsiklo, pasado alas 9:00 sa gabii, Mayo 30, 2024.
Giila sa kapulisan ang dinakpan nga si alyas Tor, 37 anyos, dunay kapuyo nga Purok Consulation, Indangan, Buhangin ning dakbayan sa Davao.
Nasikop matod pa ang suspek human nakuha kaniya atol sa checkpoint ang mga pakete sa gituohang shabu nga mubalor sa kinatibuk-ang Php9,384.00.
Balhog na karon sa Bunawan Police Station ang maong dinakpan ug gi-andam na ang pagpasaka og tukmang kaso batok kaniya.
