ILOILO – Owa eon it border control checkpoints ag indi eon iga-require ro travel pass sa mga gustong mag agto sa probinsya it Iloilo umpisa Hulyo 1 hasta 15, 2021.
Pila eamang raya sa adjustments ni Iloilo Governor Arthur Defensor Jr., sa mga ginapatuman nga restrictions sa nasambit nga probinsya.
Igabawae gihapon ro dine-in policy sa mga restaurants base sa rekomendasyon it DILG kamana man ro padayun nga pagpasara sa mga beach resorts sa probinsya ag indi eon pagabuksan ro mga non-essential establishments ag bawae man ro mass gatherings.
Magapaguwa man it Executive Order ro gobernador sa Hunyo 30 para sa iba pang adjustments sa restrictions.
Nasayuran nga extended hasta Hulyo 15 ro MECQ sa probinsya it Iloilo. / ANN DESLENE SALAZAR
