KALIBO,AKLAN—Traumatic internal hemorrhage ru ikinamatay ni Ejay Sioco, 23 anyos ng Brgy. Camanci Norte, Numancia, Aklan ru biktimang hinampas it bote sa tangkugo sa prente mismo it bar sa Purok 2, C. Laserna Street, Kalibo, Aklan.
Raya hay base sa medical result it biktima nga gin pahayag sa mini-press conference ni PMAJ. Willian Aguirre Deputy Chief of Police ng Kalibo MPS.
Paga kasuhan it homicide ru suspek nga si Christopher, 19-anyos, ag kasong physical injury man r anang kaibahan nga sanday James Andrei ag Ken Joe, tanan mga estudyante ag residente it Buruanga, Aklan.
Kun matandaan, nagkagulo ru daywang grupo it biktima ag suspek sa sueod it bar matapos masagi ni Ejay ru suspek nga si Christopher.
Apang, eagi man nga nagkaayos man ru daywang grupo ag kat sa liwan eon it bar ru mga imbolbado hay uman nga nagkagulo matapos eahson ni Ejay si James Andrei ag sinipa sa dughan rason nga natumba ang ana pa nga gin sipa.
Eagi man nga rumesback ru mga kasamahan ni James ag hinampas it bote ni Christopher ru tangkugo it biktima.//MARIVIC Y. ILIN