Nasikop sa Lapu-Lapu City Police ang usa ka 23-anyos nga transwoman human sa gipahigayon nga entrapment operation pasado alas 8:20 sa gabie, adlaw nga Martes, Hulyo 22, 2024.
Kini human nga usa ka 24 anyos nga korean national, nagpuyo sa usa ka village sa Barangay Marigondon ang nidangop sa kapulisan aron nga magpatabang.
Tungod kay iyang kanhi ka “dating relationship” nga mao ang transwoman nga taga Poblacion, Cordova, nisuway ug pang “extort” o ang pagpangilkil puli sa dili pagpakatap sa ilang pribadong video ug mga pictures.
Subay sa maong reklamo, nipahigayon dayon ug operasyon ang kapulisan pinaagi sa pag patuo sa suspek nga ang biktima mohatag ug P10,000 pesos.
Ang biktima nakigkita sa suspek sa Datag, Barangay Maribago ug human gitunol ang kwarta, dali nga gi-arresto sa kapulisan ang 23 anyos.
Kasamtangan na kining gitanggong sa LCPO Lock-Up Facility samtang naghuwat sa kasong ipasaka batok kaniya. | Kristyl Joy Felerca
