NANGANDAM na usab ang mga transport groups sa gikatakdang usbaw sa presyo sa lana adlaw nga Martes samtang may ginahimo nga sistema nga scheduling of trips aron husto ang ilang pamaagi sa paggamit sa Pantawid Pasada Cards.
Sa kumpermasyon ni Metro Gensan Transport Coop Manager Orly Sabelita, Lunes sa hapon nagpa full tank na sila aron makadaginot pa og pipila ka litro sa bag-o ang usbaw karong adlawa, March 15, 2022 nga P11 pesos sa krudo samtang P7 pesos sa gasolina.
Gipasalig ni Sabelita nga mobyahe sila bisan momahal ang lana kay aduna may subsidiya ang nasudnong gobyerno pinaagi sa Land Transportation Franchising and Regulatory Board kon LTFRB ug Land Bank.
Ang ilaha daw gihimo may gasolinahan nga ilang gisabot kung asa sila magpatubil sugod miaging semana ug sa karong semanaha, naghimo usab sila og scheduling sa ilang rota aron dili mabakanti ug sigurado nga may nagabyahe.
Dili usab daw sila mag-strike o kaha mangayo og usbaw sa pletihan gumikan aduna may ayuda gikan sa gobyerno ug ma-apektuhan man ang mga sumasakay, ilaha nalang ayuhon sa pagtipid niini. I Ver Diazon
