Nabalda ang transaksyon sa ubay-ubay ka mga kliyente ug waqla tuguti nga makasuldo sa nagkadaiyang buhatan nga anaa sa Hall of Justice sa Ecoland ning syudad sa Davao
Kini human gisugdan kadahapong adlawa ang pagpatuman sa 14 ka adlaw nga total lockdown nga moluntad sa hangtud Septiembre 17, 2021 nunot sa daghang nagpositibo sa COVID-19 nga mga empleyado sa nagkadaiyang mga korte.
Una niini gihangyo ni Atty. Midas Marquez, ang Court Administrator sa Korte Suprema nga ipailawon sa total lockdown ang Hall of Justice aron maputol dayon ang transmission sa virus sa mga buhatan.
Pipila sa mga nakatala og kaso mao ang MTCC, RTC Branch 9, 10 ug 13 samtang ang empleyado sa RTC Branch 11, 13 ug 33 ang padayon sa ilang quarantine status.
Ang pagpatuman og lockdown base sa rekomendayon nga gihimo ni Dr. Julinda Acosta sa City Health Office sa tinguha nga mapugngdan dayon ang pagkatag pa sa kagaw sa ubang mga buhatan. BNFM-DAVAO
