Gipasalig sa pamunuan sa Southern Philippines Medical Center nga walay kabalak-an ang mga nurse ug health care workers sa tungod atimado ang tanan gikan sa Special Risk Allowance, Active Hazard Pay, libre nga akomodasyon ug transportasyon.
Kini ang pagsiguro sa pasilidad aron maaghat ang mga nurses nag moapply aron madugang sa pwersa nga moatiman sa mga pasyente nga maadmit sa modular hospital.
Nasayrang suliran karon sa SPMC ang paghire og mga nurses nga iassign sa 44-bed capacity nga modualr hospital human kini giaablihan sa miaging semana.
Una nang gibutyag ni SPMC Chief Dr. Ricardo Audan nga abli ang ospital alang sa mga bag-ong nakapasar nga nurses bisan wala pay experience aron masolusyonan ang problema sa manpower sa balay tambalanan.
Kahibaluan usab nga planong magdugang og pasilidad ang SMPC pinaagi sa 30-bed covid-19 facility busa padayon ang hiring aron sakto ang operasyon sa maong mga facility. BNFM-Davao
