Aksidenting sumunggab sa puno’t niyog ru Toyota wigo nga may plate number FEF 6856 matapos nga gulping pumundo ru gina sundan nga tricycle.
Natabo ru insidente sa diversion road Brgy. Tigayon, Kalibo, Aklan.
Sa record it Kalibo Municipal Police Station, gina panag-iyahan ni alyas Andrade it Brgy. Ginbaliwan, New Washington, Aklan ru nasambit nga saeakyan.
Naeosot sigun sa drainage ru kariton it tricycle rason nga gulping pumondo ag uwa eagi naka preno si alyas Andrade rasonnga sumala ag sumunggab sa puno’t niyog.
Sa mayad nga swerte, salbar ru driver it Toyota ag naka angkon eamang it easgas ru pwertahan it saeakyan.//MARIVIC Y. ILIN
