Ginpaandaman makarun it Department of the Interior and Local Government (DILG) ro local government unit sa Aklan nga hugot nga ipatuman ro paglimita sa mga magabisita sa isla it Boracay bangud kung indi hay paga isyuhan raya it show cause order (SCO).
Base sa DILG Press Release nga may petsang Abril 21, 2022, ginpahayag ni Department of the Interior and Local Government (DILG) Secretary Eduardo M. Año nga indi sanda magdaywang isip nga mag-isyu it SCO sa mga opisyal it LGU (local government unit) nga indi magtuman sa mga mandu sa isla it Boracay.
Indi eon segun makabalik sa dati eabi eon makarun nga sa katung-anan gihapon kita it pandemya.
Ginpahayag pa ni Año nga ro mga pagtinguha nga i-rehabilitate ag pag-reverse it ecological degradation it isla hay maduea-an it saysay kung kita hay magiging pabaya sa pagsunod sa mga mandu nga gintaeana it National Government.
Gin-engganyo kara ro Provincial Government it Aklan ag LGU Malay nga tinguhaon nga maipatuman ro 19,215 nga limit daily tourists.
Matandaan nga ku nagtaliwan nga Holy Week,umabot sa 21,252 nga turista ro nailista ku Huebes Santo samtang 22,519 ku Biernes Santo base sa report it Department of Tourism (DOT). / ANN DESLENE SALAZAR
