Padayon nga ginadagsa it mga turista ro isla it Boracay matapos euwagan it probinsiya ro mga COVID-19 restrictions.
Sa minatuod, masobra 512,000 ka mga turista ro bumisita sa isla halin Pebrero 1 hasta Mayo 16, base raya sa datos it Malay Municipal Tourism Office.
Ku nagtaliwan nga Abril may kabieogan nga 186,751 ka mga bisita ro narekord it isla, raya man ro pinakamataas ng anumeor sa kasagsagan it pandemya.
Samtang ro daily average arrivals sa sikat nga destinasyon hay nagaabot sa 5,869.
Kaabuan man sa mga international nga mga turista hay naghalin sa United States./JIL B. LACSON
