KINAHANGLANG makakuha og ‘safety seals’ gikan sa Department of Tourism (DOT) ang mga establisimento sa GenSan aron masiguro nga compliant sila sa health standards tungod sa nagpadayong bahad sa Covid-19.
Kini ang usa sa gihangyo ni Mayor Ronnel Rivera sa miyembro sa GenSan’s Hotelier Association (GHA) bugti sa pag-apruba niini sa apela sa mga nasangpit nga tugotan sila nga maka-operate sa 30% capacity sa ilang aktibidad ilawom sa General Community Quarantine (GCQ) nga klasipikasyon sa dakbayan.
Una nang nakaangkon og ‘safety seal’ gikan sa DOT ang walo ka establisimento sa GenSan. Sama sa Greenleaf Hotel, Microtel by Wyndham, AB Star Suites, 3G Garden Hotel, Columbus Plaza Hotel, RSG Microhotel, Q Citipark Hotel, ug JMP Shalom Travel and Tour. Tumong sa certification scheme aron mas mapakusgan pa ang contact-tracing systems batok Covid-19 sa lokalidad. (Richel Gubalani)
Photo courtesy of the GenSan Tourism Council Facebook page
