KALIBO, AKLAN—“Speechless” ukon owa it mahambae ag indi makapati do topnotcher it Physician Licensure Examination matapos masayran nga nabuoe kara do number spot sa nasambit nga eksaminasyon.
Sa facebook post ni Maria Inez Sellado Benedicto, owa pa sigon kana naga-sink in do mga nagkaeanabo at do solomente eang kara nga maipaabot hay do pagpasaeamat sa Ginoo ag sa tanan nga nagpati kana.
Ginpaabot man kara do pagtamyaw sa anang alma mater nga West Visayas State University ag sa mga kaparehong nakapasa sa PLE.
Nasayuran nga si Benedicto hay residente ng La Carlota City, Negros Occidental ag 7th place sa 2015 Medical Technology board exam.
Do PLE hay ginpatigayon ku Setyembre 11, 12, 18, ag 19, 2021 it Board of Medicine sa Baguio, Cagayan De Oro, Cebu, Davao, Iloilo, Legazpi, Lucena, Tacloban ag Zamboanga kung siin suno sa Professional Regulation Commission (PRC) sa 1,546 examinees, 1,084 do pumasa. // SHERRY ANNE REUNIR-VIDAL
