Arestado ang Top 7 most wanted person sa probinsya sang Capiz matapos ginserbehan sang warrant of arrest sang mga kapulisan sa Brgy. Traciano banwa sang Dumarao.
Ginkilala ang naaresto kay Baltazar Arca, 63-anyos, residente sang Brgy Sto. Niño, Dumalag, Capiz.
Nagapangatubang sang kaso nga paglapas sa RA 7610 ukon Anti Child Abuse Law si Arca.
Ang warrant of arrest ang gin-isyu kag ginpermahan ni Hon. Judge Rommel Lacson Leonor sang Branch 21, 6th Regional Trial Court, Mambusao, Capiz napetsahan Agosto 23, 2021.
Ginrekomendar sang korte ang P200,000 nga piyansa para sa temporary nga kahilwayan sang akusado.
Sa karon, yara sa kustodiya sang Dumarao PNP si Arca kag natalana nga i-turn pver sa court of origin. | Judy Ann Juare
