Naaresto it mga otoridad ru Top6 Most Wanted Person sa Municipalidad it Libacao matapos serbishan it warrant of arrest sa Purok 3 Brgy. Tinigaw, Kalibo, Aklan.
Nakilaea ru akusado nga si Tony Cocoy, 49 anyos ag residente it Brgy. Rizal Norte, Tapaz, Capiz ag may kasong homicide ru akusado.
Ru warrant of arrest hay gin serbe it 1st Aklan Mobile Force Company, Libacao MPS, ag Aklan Provicnial Police Office Trackers Team kontra sa akusado.
Gin issue ru warrant of arrest ni Hon. Domingo Casiple,Jr., Presiding Judge RTC 6 Judicial Region Branch 7 Kalibo nga may petsa nga April 13, 2015.
Naga balor it P40K ru pyansa nga gin taeana it korte para sa temporaryong kahilwayan it akusado.
Sa makaron, naka custody eon sa Kalibo Municipal Police Station ru akusado. //MARIVIC Y. ILIN
