Na aresto sa Cavite City ru Top 1 Most Wanted Person sa probinsya’t Aklan ag top 2 Most Wanted Person sa Quezon City matapos serbihan it warrant of arrest it mga kapulisan.
Nakilaea ru wanted person nga si Anthony Aquesta sa legal nga edad ag sangka laborer sa Molino, Cavite nga may kasong 4 counts of rape.
Gin himo ru joint manhunt operation sa koordinasyon it Aklan Provincial Police Office (APPO), Anonas Police Staton, CIDG ag iba pa nga operatives it mga kapulisan.
May pending man nga warrant of arrest nga gin issue ni Hon. Bienvenido Barrios, Jr. , Presiding Judge 6 Judicial Region , RTC Branch 3 sa banwa’t Kalibo.
Uwa it gin rekomenda nga pyansa ru gin taeana it korte para sa temporaryong kahilwayan it suspek.
Samtang, sa makaron, naka kustodiya ru suspek sa Anonas Police Station ag naktaeana nga iga turn-over sa korteng natungdan sa probinsya’t Aklan.//MARIVIC Y. ILIN
