Nalimpyo na ang pasilidad sa Metropolitan Cebu Water District sa Brgy. Jaclupan, dakbayan sa Talisay human sa desiltation ug miresulta na sa arang-arang na nga pag-agas sa tubig.
Matud sa Metropolitan Cebu Water District nga resulta kini sa walay puas nga pagkubkob sa balas sa maong dam ug gilauman nila ang mas maayong water production ning panahon sa ting-uwan.
Sukad niadtong Mayo, nagtinabangay ang mga sakop sa Board of Directors ug empleyado sa MCWD alang sa mano-manong pagkubkob sa dam.
Usa sa mga labing naapektuhan sa El Niño phenomenon ang Jaclupan Dam diin nahubas kini tungod sa grabeng kainit sa panahon kaniadto.
Maong nakab-ot na ang moabot sa kapin 276-thousand cubic meters nga total production sa tubig.
Samtang sa habig usab ni Governor Gwen Garcia nimando sa pagpahigayon og desilting sa mga sapa sa Mananga nga maoy tinubdan usab sa Jaclupan facility sa MCWD. //
