NAGA CITY- Sa halip na pera ang hugutin sa bulsa matapos na mag order ng lechon manok, baril ang itinurok sa mga crew sa Iriga City.
Sa ulat ng Iriga City Police Station, nangyari ang pang hohold-up bandang alas 10:50 ng gabi sa Highway 1 Brgy San Isidro. Kung saan dalawang lalaki ang nag order ng kalahating lechong manok nang magbabayad na tinutukan ng baril ang dalawang crew na mga residente ng Nabua, Camarines Sur.
Nag deklara ng hold-up ang dalawa at natangay ang P7, 000.00 na cash. Tumakas ang dalawa patungo sa direksyon ng Baao sakay ng itim na motorsiklo.
Sa panayam ng Brigada News FM Naga kay PLt. Belle Cereno, tagapagsalita ng Iriga CPS, sa kanilang masusing imbestigasyon, mayroon na silang persons of interest.
