BNFM Bicol-INILUNSAD ng Department of Trade and Industry (DTI) ang Sari-Sari Store Advancement Program (SSSAP) para sa lahat ng mga Sari-Sari stores ng bansa nitong nakaraang Hunyo 26.
Layunin ng programang ito na pinamagatang “Tindahan mo, e-Level Up Mo!” na makapagbigay ng karagdagang kaalaman patungkol sa tamang pamamalakad at pamamaraan ng pagnenegosyo tungo sa pagpapahusay ng financial literacy, pagtataguyod ng sustainable business practices at digital transactions ng mga sari-sari store owners para sa mas matatag na ekonomiya.
Nagkaraoon naman ng pop-up setup sa DTI Albay Provincial Office na dinaluhan ng 35 sari-sari store owners habang aabot naman sa 50 ang dumalo sa online seminar via zoom.
Samantala, sa kabuuan, umabot sa 266 na sari-sari store owners sa buong Bicol ang nakikiisa sa nasabing programa. ### Nico Merciales, Intern
Photo from DTI Region V
