LEGAZPI CITY – Nadakip na ng mga otoridad ang lalaking tinaguriang Provincial Most Wanted Person ng Albay dahil sa kasong may kinalaman sa panggagahasa.
Kinilala ang akusado na si alyas “Ronnie”, limampung taong gulang, balo, at residente ng Resettlement Site, Brgy. 56, Taysan, Legazpi City.
Ayon sa report, isinilbi sa kanya ang warrant of arrest para sa kasong qualified rape.
Wala namang inirekomendang piyansa ang korte para sa kanyang pansamantalang kalayaan.
Sa ngayon, kasalukuyan itong nakapiit sa Legazpi City Jail.
