Dakop sa akto nga nagapataya sang illegal STL BOOKIES ang 68-anyos nga lalaki sa Brgy. Lacaron Dao, Capiz.
Ginkilala ang akusado kay Ernesto Enorme Eusebio kag residente sa nasambit nga barangay.
Sandig sa impormasyon nagikan sa Dao PNP, samtang nagapatigayon sang monitoring ang mga kapulisan natigayon nga madakpan sa akto si Eusebio nga nagapataya sang iligal ukon STL bookies.
Natalana nga pasakaan sang kaso nga paglapas sa Presidential Decree 1602 ukon ‘prescribing stiffer penalties on illegal gambling’ ang nasambit nga suspek.
Sa karun, nagapabilin ini sa Dao MPS para sa nagakaigo nga disposisyon.
