Nagpahimangno ang Department of Social Welfare and Development (DSWD-XI) sa publiko nga dili mutoo sa madawat nga text messages kalabot sa madawat nga cash assistance partikular na sa mga senior citizen.
Kini human nakadawat sila og reklamo gikan sa mga benepisyaryo nga nakadawat matud pa sila og text message nga gina target ang mga senior citizens ug retirees nga mamahimong ipadangat ang ilang concerns kalabot sa unclaimed Covid-19 relief allowance pinaagi sa email address nga gihatag sa mga scammers.
Tungod niini, nagpahimangno ang buhatan nga likayan ang pagpanghatag og mga personal nga impormasyon aron dili mabiktima sa mangingilad ilabi na nga daghan ang nanghimulos sa kalisod karong panahona.
Samtang, nagpasida-an ang DSWD-XI batok sa mga mangingilad nga dili sila magpanuko nga dakpon ang mga tawong mipaluyo sa maong illegal nga binuhatan.
