GIPAABOT pa sa mga personahe sa Traffic enforcement unit o TEU ang breath analyzer nga ilahang gipangayo sa Local Government Unit- GenSan.
Sumala sa hepe sa TEU nga si PMajor Oliver Pauya Jr. ang breath analyzer dako og tabang sa ilahang operation sa pagrespinde sa mga insidente sa bangga sa syudad.
Tungod adunay mga naaksidente nga gikaengong lango sa ilimnong makahubog apan dili kini makompirma sa kapulisan gawas kung migamit sila og breath analyzer.
Segun sa opisyal dugay na niyang gipaabot sa konseho ang ilahang hangyo ug naglaom kini nga sila ang mahatagan sa maong butang. Nasayran basi sa impormasyon sa TEU, milabay nga semana Lunes hangtod Sabado, 4 ang patay sa managlahing insidente sa bangga sa GenSan. I Enamie Mogpon
