NANAWAGAN ang usa sa miyembro sa Regional Inter- Agency Task Force on Covid-19 (RIATF) sa mga opisyal sa LGU’s sa rehiyon.
Dungagan ang mga Temporary Treatment Facilities (TTF) sa ilang mga lugar aron dili gilayong mapuno ang mga Covid-19 referral hospital. Matud ni Minda Morante, director sa Office of the Civil Defense (OCD) 12 ug opisyal sa RIATF mahimong magamit isip TTF ang bakante nga pasilidad sa gobyerno tungod naa karon ang nasud sa State of Emergency.
Angayan usab nga masiguro sa mga LGU’s nga ang naa sa mga ospital mao ang mga severe ug moderate cases lang sa Covid-19. Kini aron malikayan ang pagkabuna sa bed capacity sa mga balay tambalanan sa rehiyon. Una nang, gianunsiyo sa LGU-GenSan nga naa na sa full capacity ang hospital beds ug naa sa 100% ang ICU occupancy tungod usab sa pagsaka sa ihap sa severe ug moderate cases sa virus. ( Richel Gubalani)
