Sambilog ka 14 anyos nga teenager ro ninahan bangud sa pagpamaril sa Barangay Rizal, Pontevedra, Capiz ku Oktubre 2 it gab-i.
Base sa inisyal nga imbestigasyon it Pontevedra Police, naga-inuman ro pila ka mga indibiwdal sa sambilog ka baeay nga ginapanag-iyahan it mga Baylon ku Sabado.
Kat may nag-abot nga di kilaea nga tawo, may suksok raya nga bonnet, ag insigida nga gintutukan it baril ro sambilog ka indibidwal nga ginkilaea nga si Joselito Dacula, 37 anyos.
Ginbaril it suspek si Dacula pero nalikawan nana ro bala; rason nga gintamaan ro teeneager.
Sa presente, sa ospital makara ro binatilyo agud maeapatan it nakaigo nga pagbueong ro nin sa siki.
Naglagiw makara ro gunman. Narekober man it mga kapulisan ro an-um nga bullet shells it .45 handgun.
Padayon gihapon ro imbestigasyon it mga otoridad sa insidente./JIL B. LACSON
