Bumisita si Governor Joen Miraflores ag ro sangka team it Provincial Government of Aklan, sa Kochi Prefecture, Japan pinaagi sa imbitasyon ni Mr. Yuji Yamamoto, Member it House of Representatives it Japan ag Japan Railway Shikoku.
Gin agtunan man it team Aklan ro estasyon it Japan Railways Kochi ag sa anda nga maintenance garage agud makita ro mga available nga trabaho nga pwede ma-aplayan ag masudlan it mga Akeanon.
Tinutuyo kara nga maka-establisar it potensyal nga partnership ro Aklan sa Kochi prefecture para sa posibleng employment o trabaho para sa mga Akeanon, imaw man pag-abot sa turismo, investment and cultural exchanges. // ANN DESLENE SALAZAR
