Dinampot ng mga awtoridad bago dinala sa Municipal Social Welfare & Development Office- MSWDO Roxas ang tatlong menor de edad na lalaki matapos silang makumpiskahan ng patalim nitong nakalipas na Huwebes, February 16, 2023.
Sila ay nahuli habang nagsasagawa ng pagpapatrolya ang pulisya noong gabing iyon sa Bgy. New Barbacan Roxas Palawan.
Ayon sa MSWD, miyembro umano ng Gang ang kabataan kaya may bitbit ang mga ito na patalim at brass knuckles.
Ang mga menor na nagmula sa Bgy. New Barbacan at Bgy. Magara sa Roxas at ang isa ay mula sa lungsod Puerto Princesa.
Samantala, ang mga bata ay ibinalik na rin sa kanilang magulang.
