KALIBO, AKLAN — Nasunggaban it sangka motorsiklo ro tatlong katawo nga patabok sa karsada sa Calachuchi Road Brgy. Andagao, Kalibo, Aklan.
Ginkilaea ro mga nasunggaban nga sanday Armando Cecilio Diaz 48yo nga taga Laua-an, Antique, Era Joven 63yo ag apo karang si Erjay Joven 17yo nga taga Andagao, Kalibo.
Ginkilaea man ro driver it motorsiklo nga ginasugid nga hilong nga si Joe Clarence Gaviola 25yo it Brgy. Ambolong, Batan.
Patabok kunta ro tatlo para likawan ro mga ayam nga naga away pero nabangga sanda it motorsiklo.
Confined man sa ospital sanday Armando ag Era samtang gin-refer sa out-patient si Erjay.
Nag angkon it gasgas sa abaga ro driver it motorsiklo nga sa kustodiya makarun it Kalibo PNP. / ANN DESLENE SALAZAR
