LEGAZPI CITY – Kinumpirmar kan Commission on Elections (COMELEC) Bicol na naaktibar na an task force sa Libon sa probinsya kan Albay katakod kan pagsairarom sa banwaan sa COMELEC control.
Segun kay Atty. Ma. Juana Valeza, Regional Director kan COMELEC Bicol, pinapamayohan ni COMELEC Provincial Election Supervisor Atty. Aurea Bo-Bunao an nasambit na task force kasabay an battalion commanders asin directors kan mga law enforcement units na pig-deploy duman.
Sa ultimong update su boot saiya ni Bunao, suportado kan lokal na gobyerno an deklarasyon kun sain pig-alokaran pa ngani ini nin pondo.
Dugang pa digdi, posibleng magkaigwa nin curfews sa lugar asin dudugangan pa an esfuersos nganing masyerto an seguridad.
Laoman man su boot na mas madakol pa an check-points sain man sa mga lugar sa nasambit na banwaan.
