LEGAZPI CITY – Upang maiwasan ang mga insidente ng mga bata na nawawalay sa kanilang mga magulang o guardian o mawala sa mga sementeryo, isang inisyatiba ang isinagawa ng Legazpi City PNP kaugnay ng pagbisita ng mga tao sa mga sementeryo.
Ang mga tauhan ng nasabing himpilan, naglagay ng wrist name tags sa mga batang may edad 10 taong gulang pababa kahapon.
Laman ng bawat wrist name tag ang pangalan ng bata at contact number ng kanilang magulang o guardian.
Layunin nito na mas madaling mahanap ang kanilang mga kasamang paslit sa kaling mahiwalay ito sa kanila sa loob ng sementeryo.
Ayon sa himpilan, prayoridad nila ang kaligtasan ng mga batang kasama ng kanilang mga magulang sa pagbisita sa mga sementeryo.
