Nakatala og pinakataas nga kaso sa Dengue ang Talomo Proper ning syudad diin miabot na sa 759 ang nataptan sa maong sakit.
Gisundan kini sa Buhangin, Bago Gallera, Catalunan Grande, Ilang, Tibungko ug ang Lizada sa Toril ning syudad.
Sa bulan sa Setyembre tuig kasmatangan, nakatala ang City Health Office-TDU og 4,963 nga dengue cases nga mas taas ang ihap kung itandi sa 2,460 ka kaso niadtong Setyembre tuig 2022.
Anaa sab sa 38 ang natalang namatay kong itandi sa pito niadtong Setyembre 2022.
Gumikan niini, subling gipahimangnoan ang publiko nga kanunayon ang paghinlo sa palibot og pamatyon ang posibleng maitlogan sa lamok nga nagdala og sakit nga dengue.
