NADAWAT na sa duha ka mga winner sa tag P1 million ang ilang premyo sa Milyong Saya Balik Biyaya Year 2 promo, Desyembre 28.
Ang unang nakadawat og P1 million nga premyo mao si Ronaldo Sente, 61 anyos, taga Rosary Height 9, Purok 4, Cotabato City ug ikaduha mao si Julianita De Jose, 66 anyos, taga Purok 4-A, Galaxia Gusa, Cagayan De Oro City.
Segun ni Brigada Chairman/CEO Elmer V.Catulpos nga mitunol sa premyo sa duha ka bag-ong milyonaryo nga padayunon lang ang pag patronize sa mga produkto sa Brigada aron nga may tsansa sa pagdaog.
Anaa usab sa pagtunol sa premyo si Brigada Vice Executive President Yelcy Yasay Catulpos nga apil miawhag sa katawhan nga apilan ang mga promo sa Brigada aron may tsansa sa pagdaog, sama sa duha ka bag-ong milyonaryo.
Kahibaluan nga ikatulo na kini nga milyonaryo pinaagi sa promo sa Brigada sulod na sa duha ka tuig.
