NALANGAY ang sweldo sa mga empleyado sa Local Government Unit sa General Santos City gumikan sa proseso sa adjustment subay sa salary standardization sa gobyerno.
Naghatag og pagpaklaro ang ang labaw sa Humar Resource Management and Development Office kon HRMDO nga si Atty Rosendo Roque,sumala niini nga gihulat nila ang implementing guidelines sa salary standardization gikan sa Department of Budget and Management kon DBM.
Ang sunod nga proseso mao ang paghimo sa Notice of Salary Adjustment kon NOSA unya gipalagdaan sa mayor, gi adjust usab ang mga taxes ug contributions sa Government Service Insurance System kon GSIS, lakip sa Philhealth ug PagIbig.
Sa ulahing update nakaabot na usab sa Accounting Office ang payroll mao nga ginalauman nga karong semanaha maka sweldo na ang mga empleyado regular.
Gidugang ni Roque nga nalangay usab ang sweldo sa mga Job Order Workers gumikan ang bulan sa Enero ang pag renew sa mga kontrata. I Ver Diazon
