Boluntaryo nga nagsungka sa Roxas City PNP ang 19-anyos nga suspek sa pagpatay sa nasapwan nga bangkay sang isa ka tigulang sa Barangay Taft, Tapaz, Capiz.
Matandaan sang Hunyo 23, takna alas 6:40 sang aga, nasapwan ang bangkay sang biktima nga ginkilala kay Sergio Robiso, 63-anyos kag residente sang Barangay Malitbog sa nasambit nga banwa.
Sandig sa impormasyon nagikan sa Tapaz PNP, ginkilala ang suspetsado kay certain Rinniel Villegas.
Base sa panaysayon ni Villegas, gin-aku sini nga siya ang may kahimu-an sa kamatayon sang biktima gamit ang isa ka kahoy nga ginlampus sini sang makapila ka beses sa ulo ni Robiso nga gintunaan sang iya kamatayon.
Samtang, wala pag-intindihanay ang motibo sa krimen kun sa diin gina-alegar sang suspek nga ginsumbag ini sa nawong sang biktima kag ang pagbantay ni Robiso sa higad sang dalan samtang nagapauli ini.
Sa karon, hilway na sa karsel ang suspetsado matapos nga nagdisisyon ang pamilya sang biktima nga indi na magpasaka sang kaso kag ginpakamaayo sang magtimbang nga bahin nga husayon nalang ang amo nga hitabo. | KMD Gicalde
