Kinasuhan eon ru suspek sa pagbuno patay sa biktima nga naga paguwa eon konta sa baylehan sa Brgy. Agbanawan, Banga, AKlan.
Kasong homicide ru gina pangatubang ni Melvin Rala, sa legal nga edad it Brgy. Polocate, Banga.
Samtang, ru biktima hay nakilaeang si Rey Retoriano, 22 anyos it Brgy. Sigcay, Banga.
Kun matandaan, may natabo nga rambol sa baylehan ag nabun-an ru biktima sa dughan rason it gulpihan nga kamatayon.
Naga balor it P120,000 nga pyansa ru gin taeana it korte sa kasong homicide samtang P3,000 sa kasong slight physical injury.
Kulong sa makaron sa Banga MPS ru suspek.//MARIVIC Y. ILIN
