Naaresto sa check point ru suspek sa pag panakaw it gasolina makarong adlaw matapos magpa full tank sa sangka gasoline station sa Brgy. Fulgencio, Balete, Aklan kahapon.
Nasayuran nga sangka 19 anyos ru suspek nga eaeaki ag taga-Brgy. Arcangel, Balete ,Aklan nga tumakas matapos magpa tayon it gasolina ng anaga balor it P600 sa anang motosiklo.
Sa interview it BRIGADA News FM Kalibo kay OIC Chief PMAJ Bryan Alamo eagi nga naghimo it checkpoint ru mga pulis sa Pob. Balete, Aklan ag nag flash alarm sanda sa Aklan Provincial Police Office (APPO).
Katuuyu-an it OIC Chief it Balete MPS nga mag-angkon it check point sa ibang Municipal Police Stations para sa entrapment operation ag apprehension it suspek.
Matapos ru pilang minuto nakabaton it impormasyon ru Balete MPS na nadakpan eo ru suspek sa check point it Altavas MPS nga paadto konta sa Iloilo.
Eagin ga gin beripika it Balete MPS sa Altavas MPS ag nakomperma gin man ru suspek sa operasyon it mga kapulisan ag nakilaea man it nabiktimang pump girl.
Kasong Estafa ru gin pasaka nga kaso kontra sa suspek.//MARIVIC Y. ILIN