Arestado ru suspek sa motornapping matapos timbrehan it mga residente ru mga naka duty nga police patrol sa San Lorenzo Drive Brgy. Andagao, Kalibo, Aklan, kahapon.
Sa report, nakilaea ru suspek nga si Niel John Bagyo, 31 anyos ag residente it Brgy. Bulwang, Numancia, Aklan.
Samtang, gina panag-iyahan ru motor ni Melfred Espirigion , 51 anyos it Brgy. Mobo, Kalibo.
Nakit-an it mga pulis nga may gina guyod nga motorsiklo ru suspek pasueod sa sementeryo rason nga andang gin imbistigahan.
Matapos makomperma it mga pulis nga ruyon gid man ru tinakaw nga motor, eagi nga gin pusasan ru suspek ag gin daea sa Kalibo Municipal Police Station.
Naga balor it P300,000 ru pyansa nga gin taeana it korte sa suspek.
Sa makaron, naka taeana nga iga inquest ru suspek.//MARIVIC Y. ILIN
