Sangkiri ru supply it dugo ag abo ru naga kinahangean sa probinsya’t Aklan.
Raya ru kompermasyon ni Mrs. Mary Joe Galeon, Chapter Administration it PRC Aklan sa BRIGADA News FM Kalibo dahil sa makaron hay haeos gina kueang ru supply it dugo sa probinsya.
Mabahoe sigun ru maibulig sa sarili ru pag donar it dugo dahil manami ru epekto sa ikaayong eawas nga naga produce it panibag-ong active cells.
Di eon sigun hueaton nga kunsiin ru kinahangean hay idto mag donate it dugo dahil gina paidaeom sa maid-id nga proseso para ma komperma nga pweding magamit.
Kapin pa sa makaron nga ru classification it blood service activity sa Aklan hay blood collecting Unit ag blood station.
Klaro sigun nga bukon pa kita it kapable nga mag perform it examination nga gina ubra sa blood unit kada may mag donate it dugo kundi gina perform pa sa Red Cross blood Center sa Capiz.
Samtang, mabahoe man ru pag pasaeamat sa BRIGADA News FM Kalibo ni Galeon dahil sa partnership sa blood letting activity sa April 9 sa Pastrana Park, Kalibo, Aklan.//MARIVIC Y. ILIN
