WALA pay natunol nga hinabang ang LGU GenSan pinaagi sa CDRRMC sa mga pamilya nga apektado sa pagbaha sa pipila ka purok sa Brgy.Conel niadtong Sabado.
Segun kang Dr. Bong Dacera, labaw sa CDRRMC nga nagpahigayon na sila og assessment sa damyos sa pagbaha sa Conel ug nakapahibalo na usab gilayun sa City Engineers aron sa pagpadala og heavy equipments sa nabarahan nga tulay.
Gipahibalo na usab matud pa ang taga DPWH aron sa pag-ayo sa damyos sa usa ka tulay mugna sa pagbaha.
Dugang ni Dacera, nga may nadaut nga private infrastructure, pananum ug kabtangan sa pipila ka lumulupyo ug wala pa usab masayod kung natunolan na sa barangay og hinabang.
Sa ilang buhatan, ilaha pang sutaon kung adunay mahatag ngadto sa mga apektado sa pagbaha dependi sa panginahanglanonsa mga nahisgutan.
