GIRONDA sa mga sakop sa Polomolok Municipal Police Station ang panimalay sa mga nahimong suspek sa mga gun running activities ug mga nagpaluyo sa land conflict sa purok Miracle Valley, Barangay Maligo, Polomolok, South Cotabato alas 5:30 ang takna sa buntag.
Sa impormasyon gikan kay PLt. Sherwin Cervera ang deputy station commnader sa nasampit nga presinto nga ang maong operasyon ang may kalabutan sa pag implementa sa search warrant sa kasong pagsupak sa Republic Act 10591 kon Comprehensive Law on Firearms and Ammunition.
Pinaagi sa superbisyon sa ilang hepe nga si PLt.Col Joseph Forro III nahimong gironda ang panimalay sa ilang target nga silang Emilio Masalon Dulo ug Romnick Gulada Dulo. Sumala pa ni Cervera nga sa dihang padulong na ang tropa sa panilamay sa mga nahisgutan, natimbrehan matud pa sa mga nahisgutan ang kapulisan og dali nga nakasibat ug nagtago tago sa bukirong bahin sa maong lugar.
Tungod lehitimo ang operation gipadayon gihapon sa kapulisan ang search warrant ug dinhi narekober sa search team ang usa ka unit sa kalibre 45 nga pistola ug kalibre 38 nga pistola ug mga bala. Dugang pa ni Cervera nga si Emilio kalambigitan sa bangi kabahin sa yuta ug ang mag-igsoong Romnick ug Glen Dulo ang gikaingong suspek sa pagbaligya og mga armas.
Tungod sa mga narekober nga mga armas pasakaan og kaso pinaagi sa regular filing ang mga nasampit nga suspek. I MJ Fernandez
