GIBASOL sa online selling ug smuggling ang pagkasinati og kakulangon sa supply sa firecrackers ug fireworks sa probinsiya sa rehiyon-12.
Matud ni Johmel Alo, president sa Koronadal City Firecracker and Pyrotechnics Retailers Association, ang shipment ug deliveries sa firecrackers ug fireworks ang gikan sa tiggama sa Bulacan.
Asa karon nakita nila ang pag-ubos sa supply niini tungod sa hugot nga kompetisyon sa mga online sellers.
Dugang ni Alo, pipila ka tiggama og pagbuto ang nagbaligya sa ilang produkto sa mga online sellers tungod sa lapad nilang merkado. Pinaagi sa paggamit og social media platform sama sa facebook ug iladong e-commerce platforms sama sa Lazada ug Shopee.
Resulta niini ang pagtriple sa presyo sa pagbuto nga bunga sa lisod na sa pagbaligya sa ilang produkto, dugang ni Alo. “Ang market price alang sa “16 shots fireworks” ang naa sa P2, 800, including shipping cost, gikan sa P1, 000 to P1, 200,” butyag ni Alo. Sagad sa ginabaligya online base sa ilang pagbantay mao ang illegal firecrackers sama sa Lolo Thunder, Pla-pla, Yolanda ug piccolo available sa online purchase.
Gawas niini, miubos usab ang supply sa pagbuto gikan sa ubang nasud tungod sa pandemya ug pag-abot gitunga sa mga dagkong tigbaligya sa kaulohan ang supply ug planong ipagawas sa Kapaskohan. I Richel Gubalani
