GIBALIK na sa Sarangani bay ang lalaking dolphin nga na-rescue sa baybayun sa Barangay Bula niadtong Desyembre 6.
Desyembre 9 sa buntag, gibuhian na pagbalik sa Sarangani Bay ang maong dolphin.
Matud ni Protected Area Management Office in-house veterinarian Dr. Roy Mejorada ang maong dolphin ang usa ka lalaki nga batan-ong Spinner Dolphin.
Dugang ni Department of Environment and Natural Resources- Provincial Environment and Natural Resources Officer Maria Elvira Lumayag ug Protected Area Superintendent Joy Ologuin nga gipanganlan nila ang dolphin nga “Yoyó.”
Nasayran nga ulahing gi-rehab si “Yoyó” sa Circular Tank Facility sa aquaculture farm sa Alsons Aquaculture Corporation sa Alabel bag-o pa ang second attempt sa pag-release niadtong Biyernes, Desyembre 9.
Segun usab ni Alsons’ operations manager, Israel Mosquera, ang ilang kompanya ug si kanhing Sarangani Governor Miguel Rene Dominguez ang kanunayng motabang ug magprotekta sa Sarangani Bay.
Matud ni Mejorada si Yoyó ang nag-rescue sa mga katawhan sa Barangay Bula.
Ang Marine Mammals Rescue Team, ingon man ang City ENRO sa Gensan, DENR community, ENRO Buayan, ug BFAR ang gilayung mihatag og supportive care isip mga first responders.
Miyerkules sa buntag, Desyembre 7, gibalik nila sa dagat aron ma-assess ang paglangoy apan namatikdan nga wala kini sa hustong balance.
Pagkahuman sa tulo ka oras nga supportive care paspas na ang paglangoy ni Yoyó apan na-standed sa Makar area sa GenSan.
Ang Philippine National Police Maritime ug BFAR mirespondi ug gibalhin si Yoyó sa Alsons Aquaculture farm, pagkahapon sa maong adlaw.
Pagkahuman sa subling pag-rehab, pinaagi sa paghatag og pagkaon ug maobserbahan ang balance sa paglangoy, naarang arang ang kondisyon ug gibalik na nila sa dagat.
Padayun usab nilang monituron ang Sarangani Bay tungod daghang marine mammals ang nabuhi ug nagpuyo, sama sa Dugong or Seacow, Dolphins, ug marine turtles.
