LEGAZPI CITY – Pigsiyerto kan Albay Provincial Agricultural Office (APAO) na supisyente an suplay nin mga bagas sa probinsya sa tahaw kan El Niño phenomenon sa nasyon.
Sa intrevista kan Brigada News FM Legazpi kay Assistant Provincial Agriculturist Daryl John Buenconsejo, sinabi kaini na basado sa ipinaluwas na impormasyon kan Department of Science and Technology Bicol, maray na bareta na maikokonsiderar na dai kasabay an probinsya sa mga apektado kan phenomenon na ini sa bilog na rehiyon kan Bicol.
Pigsisiyerto kaini na preparado an probinsya en kaso man umabot o mamatean an El Niño nin huli sa mitigation plan na isasagibo ninda.
