Isang sunog ang sumiklab sa Barangay San Vicente, Gumaca, Quezon nitong Martes, Marso 5.
Sa inisyal na imbestigasyon ng mga awtoridad, sa electrical wiring umano nag-umpisa ang sunog na tumupok sa tahanan ni alyas “Nestor” na gawa umano sa light materials.
Kumalat ang nasabing sunog sa dalawa pang bahay at puminsala ng aabot sa halagang ₱220,000.
Naideklarang fireout bandang ala-1:20 ng hapon habang wala namang nasaktan o nasawi sa insidente.
Samantala, nagpaabot naman ng tulong si Governor Doktora Helen Tan sa mga pamilya na nabiktima ng sunog.
