Nagnaba ru numero it fire incidents sa probinsya’t Aklan makarong dag-ong 2022.
Suno kay FO3 Mark Alvin R. Patricio, PIO, Office of the Provincial Fire Marshall-Aklan sa BRIGADA News FM Kalibo, naga-abot sa 23 total recorded incidents makarong Enero hasta Pebrero 2022 dahil sa electrical ag open flame incidents.
Tatlo (3) fire incidents ru nailista makarong buean it Marso particular eon sa Boracay, Nabas ag Libacao.
Gin paliwanag ni Patricio nga uwa man it nailistang arson cases sa Aklan sa makarong dag-on.
Permi nga gina tututukan ru kapakanan it mga fire fighters sa oras it operasyon.
Padayon gihapon nga gina himo ru kampanya it BFP-Aklan sa tanan nga mga Municipal Fire Stations kontra sa sunog pinaagi sa information drive sa radyo ag live streaming makarong Fire Prevention Month.//MARIVIC Y. ILIN
