Inaprubahan na rin ni Senate President Chiz Escudero ang subpoena ad testificandum laban sa presidente ng Zun Yuan Technology na si Jamielyn Cruz at maging sa authorized representative ng Lucky South 99 na si Katherine Cassandra Li Ong.
Alinsunod nito, inuutos ng Senado ang pagdalo ng mga ito at maging ng kanilang ibang kasamahan sa gagawing pagdinig sa July 29.
Maliban pa roon, nanawagan din si Senadora Risa Hontiveros sa Sergeant-at-Arms na agarang ihain ito sa mga nasabing indibidwal.
Maalala, matapos ang hindi pagdating ni suspended Bamban, Tarlac Mayor Alice Leal Guo sa nakaraang pagdinig sa kabila ng inihaing subpoena sa kanya ay ipina-cite in contempt na siya ng Senado.
