Nagda-og bilang first runner-up ro mga estudyante it Science, Technology, Engineering, and Mathematics (STEM) strand it Iloilo City National High School (ICNHS) sa Concentrix NEXT MOVE Challenge ku November 15.
Ro award-winning nga entry it ICNHS hay gin-tigueohan bilang”Automated Meter Reading Using Artificial Intelligence (AI) Technology.”
Tuyo it nasambitan nga inobasyon nga makahimo it epektibo, maayos, ag accurate nga mga proseso it mga datos gamit ro real-time information it mga customers it mga power distribution company sa Pilipinas.
Bukod sa pagkieaea, nakabaton man ro mga estudyante it P50,000 cash award.
Ro nasambitan nga programa hay gin-intrahan it mga estudyante sa kolehiyo ag senior high school halin sa prestihiyoso nga pribado ag pampubliko nga eskwelhan sa nasyun.
Ro grupo it ICNHS hay ginapamunuan ni Maria Lilian Jem Montero bilang team leader, kanday Joseph Andrean De La Cruz, Leonardo Rosal, Ralph Archie Agreda ag Raf Jeanel Simonio bilang mga miyembro.
Ro mga project advisers man hay kanday Rey Gonzales, Joemarie Selibio, Francis Planto, ag Astrid Haresco./JIL B. LACSON
