LEGAZPI CITY – Arestado kan Legazpi City PNP an sarong street level individual sa nasambit na syudad sa paagi nin operasyon kontra iligal na droga.
Binisto an suspek na si alyas “Waku-waku” na residente kan kapareho man na syudad.
Susog sa report kan mga otoridad, sa nasambit na operasyon, pitong gramo ki pinagtutubudang “shabu” an narekober kan mga pulisya na nagkakantidad nin poko mas omenos PHP47,600.
Apwera kaini, nakuwaan pa ki caliber 38 padil an suspek.
Nasa kustodiya na ini kan nasambit na hepatura para sa magkakanigong disposisyon.
