Sumiklab ang sunog sa isang warehouse ng mga agricultural products sa Barangay Calumpang, Tayabas, City, nitong Linggo Nobyembre 3.
Sa panayam ng Brigada News FM Lucena kay Fire Officer 3 Richard Edra ng Tayabas BFP, nakatanggap ang kanilang tanggapan ng tawag bandang alas-3:30 ng umaga.
Idineklara na fire under control ang nasabing sunog alas-4:31 ng umaga habang alas-7:42 ng umaga naideklara itong fire-out.
Ayon pa kay FO3 Edra, sa inisyal na imbestigasyon ng BFP, tinatayang nasa ₱4,813,550.00 ang halaga ng natupok na ari-arian.
Samantala, itinaas sa ikalawang alarma ang naturang sunog, habang wala namang naitalang nasaktan at nadamay na bahay sa nasabing insidente.
