CAMARINES SUR- Hindi nakaligtas sa bahang dala ng Bagyong Kristine ang mga gamit sa mga paaralan tulad ng mga libro sa Camarines Sur, sa inisyal na ulat ng DepEd CamSur Division umabot na sa P1.9 bilyong pisong dayos.
Ito ang sinabi sa Brigada News FM Naga ni Atty. Salvador Pelingon, tagapagsalita ng nasabing Division. Aniya , hanggang noong Sabado Nobyembre 2, todo pa ang paglilinis sa mga paaralan. Mayroon pa ngang baha parin tulad sa Rinconada Area.
Sa memorandum ni Regional Director Gilbert Sadsad , sa Bicol Region puwede na magbalik- eskwela na ngayong Nov. 4 , pero depende pa rin ito sa sitwasyon ng paaralan.
Sa memo ni Camarines Sur Governor Luigi Villafuerte, wala pang pasok ngayong Nov. 4 sa lahat ng antas, pampubliko man o pribado pero mayroong poder ang alkalde at DepEd na bawiin ito kung ligtas na at kaya nang makabalik sa klase ng nga estudyante.
